Ғарышкерлер күні

Тарихта адамзат баласының алғаш жер орбитасын айналып өтіп, ғарышқа сапар шеккен ғарышкерлердің ғарыш кемесіндегі өмірлері ұрпақ есінен шыққан емес. Осыған орай, А.С.Пушкин атындағы МДШО бар орта мектебінің кітапханашысы Р.С.Бердахметова 12 сәуір Ғарышкерлер күніне орай оқушылармен танымдық сағат өткізді. Шара барысында кітапханашы жас ұрпаққа ғарышкерлер туралы түсінік беріп, олардың өмірбаяны, еңбектері мен ерліктері, ғарыш кемесіндегі өмірлері туралы  мағлұматтар берді. Ғарышкерлер жайында жасақталған кітап көрмесіне шолу жасады. Оқушылар ғарыш әлемінің тарихын түсіне отырып, қойылған сұрақтарға жауап беріп, ғарышқа деген қызығушылықтарымен бөлісті. 
📌 Шара мақсаты: Жас ұрпаққа ғарыш әлемін бағындырған ғарышкерлердің ерліктерін бағалауға, Отанына деген патриоттық сезімдерін оятуға, адамгершілікке, еңбекқорлыққа тәрбиелеу. Шараға 3-5 сынып оқушылары қатысты.